D Guggemusig Ohregröble gits sid saage und schreibe 1973!
Das si scho stolzi 50 Johr und mir wei unbedingt no meh schaffe.
Euse Verein bestoht derzyt us 11 Aktivmitglieder. Normalerwiis isch bi öis vom Teenie bis zum Grosi aues verträtte. Und genau das git eus au die spezielli Mischig!
Mir spele vo de alte Klassiker bis zur aktuelle Hitparade aues bunt gemischt. Bi eus mache Jung und Nüm-ganz-so-Jung ;-) gmeinsam Musig und hocke au nächhär gärn ah ei Tisch zum d Fründschafte pflege.
Euses Kärngschäft isch d Pflege und Förderig vo Guggemusig, d Erhaltig vor Fasnachtskultur, d Beläbig vom kulturelle Dorfläbe und d Kameradschaft underenand!
Drum nähme mir ar Fasnacht im Gäu Teil, organisiere (sid ere Bieridee zum ne Schnapsjubiläum) de Frösche-Mäntig - e Fasnachtsalass für Härchenge, beteilige eus am Fröschefest, döi regelmässig zäme probe und natürli göi mer au immer weder mou eis go trinke zäme... oder zwöi.
Für neui Mitglieder si mir immer offe. Wenn du auso Lust hesch bi eus mitzmache, mäud di eifach bi eim vo de Ohrgröble. Bi eus muess me no kes Instrumänt chöne spele, de Wöue eis z lehre längt scho!
Das si scho stolzi 50 Johr und mir wei unbedingt no meh schaffe.
Euse Verein bestoht derzyt us 11 Aktivmitglieder. Normalerwiis isch bi öis vom Teenie bis zum Grosi aues verträtte. Und genau das git eus au die spezielli Mischig!
Mir spele vo de alte Klassiker bis zur aktuelle Hitparade aues bunt gemischt. Bi eus mache Jung und Nüm-ganz-so-Jung ;-) gmeinsam Musig und hocke au nächhär gärn ah ei Tisch zum d Fründschafte pflege.
Euses Kärngschäft isch d Pflege und Förderig vo Guggemusig, d Erhaltig vor Fasnachtskultur, d Beläbig vom kulturelle Dorfläbe und d Kameradschaft underenand!
Drum nähme mir ar Fasnacht im Gäu Teil, organisiere (sid ere Bieridee zum ne Schnapsjubiläum) de Frösche-Mäntig - e Fasnachtsalass für Härchenge, beteilige eus am Fröschefest, döi regelmässig zäme probe und natürli göi mer au immer weder mou eis go trinke zäme... oder zwöi.
Für neui Mitglieder si mir immer offe. Wenn du auso Lust hesch bi eus mitzmache, mäud di eifach bi eim vo de Ohrgröble. Bi eus muess me no kes Instrumänt chöne spele, de Wöue eis z lehre längt scho!